9 сәуір күні Назарбаев зияткерлік мектебі мен Педагогикалық шеберлік орталығының ұйымдастыруымен "Іс-әрекеттегі зерттеу-мұғалім тәжірибесінде" атты тақырыпта облыстық семинар өтті.Өзіне үздік қазақстандық дәстүрлерді, халықаралық тәжірибе мен практиканы үйлестіретін мектепте жаратылыстану бағытында білім берудің инновациялық, көптілділік жүйесінің моделін әзірлеу мен енгізу арқылы Қазақстанның зияткер әлеуетін арттыруға ықпал ету мақсатында ұйымдастырылған семинарға аудан мен қала мектептеріндегі директордың ғылыми жұмыстар жөніндегі орынбасарлары мен Тараз мемлекеттік педагогикалық институтының Мониторинг және педагогикалық зерттеу орталығының  мамандары  қатысты. Семинар төмендегідей төрт кезеңді қамтыды :

ТарМПИ профессор-оқытушы құрамы арасында ІІ «Педагогикалық идеялар мен инновациялық жобалар» байқауы өткізіледі. Байқау Қазақстан Республикасының тәуелсіздігінің 25 жылдығына арналады.

Байқаудың мақсаты: профессор-оқытушы құрамын инновациялық білім беру қызметіне ынталандыру, интерактивті оқыту әдістерін, ақпараттық-коммуникативтік технологияларды кәсіби қызметінде белсенді қолданып жүрген оқытушыларды қолдау, сапалы сандық оқу материалдарының қолжетімді базасын құру, бәсекеге қабілетті ақпараттық-коммуникативтік оқу ортасын жасау, педагогтардың электрондық білім беру технологияларын құрастыру мен қолданудағы практикалық тәжірибелерімен бөлісу.

Музыкалық білім кафедрасының аға оқытушысы Перизат Абдикеримова оқытудың озық технологияларын қолдана отырып ашық сабақ өтті. Сабақ қоржыннан сыйлық таңдау арқылы жағымды көңіл күй жасаудан басталды. Ал ондағы суреттер кейін топ құру үшін қолданылды. Ойға шабуыл ретінде тақырыпқа үйлесімді видеоматериал қолданылып, оны талқылау арқылы студенттер бүгінгі сабақтың тақырыбы мен оқу мақсаттарын анықтады. Ары қарай студенттерге өмірмен байланысты, қарапайым тапсырмалар арқылы смарт мақсат қою қағидаларымен танысуға, машықтануға жағдай жасалды. Студенттер сабақ барысында еркін ойларын білдіріп, белсенділік танытып отырды. Практикалық тапсырмалар өмірмен тікелей байланысты болғандықтан, оны студенттер оны қызыға орындады. Студенттердің өздерін бағалауына, өзара бір- бірін бағалауына жағдай жасалып, "Ойлан-жұптас-топтас", "Екі жұлдыз, бір тілек", "Бес саусақ" стратегиялары қолданылды.

14 наурыз күні Практикалық шетел тілдері кафедрасының меңгерушісі Гүлбану Алиханова "Германия" тақырыбында ашық сабақ өтті. Сабақ барысында студенттер Германияға виртуалды саяхат жасап, Франкфуртта тұратын Астрид Мюллермен онлайн байланысқа шықты. Онлайн сұхбат кезінде студенттер Германия жайлы көптеген сұрақтар қойды. Астрид те оларға Германияның тарихы жайлы, өзі тұратын Франкфурт туралы елтанымдық ақпараттар берді. Немістер қандай, қандай спорт түрлерімен айналысады? Франкфурттағы музей жағалауы жайлы, Берлин мен ондағы көрнекі жерлер жайлы көп әңгімелеп берді.
Сонымен қатар студенттер өздері де Бремен, Берлин және Гамбург жайлы презентациялар жасады. Топтық жұмысты бағалау критерийлері алдын ала беріліп, өзара бағалауға жағдай жасалды.

Оқыту мен тәжірибенің тығыз байланысы – шеберлікті шыңдаудың кепілі. Тараз мемлекеттік педагогикалық институтында Жамбыл облысының педагог мамандарымен оқу үрдісін модернизациялау: инновациялық оқыту технологиялары, үштілді білім беру, педагогикалық зерттеулер аясында өз тәжірибесімен бөлісу мақсатында аймақтық оқыту мен тәжірибе фестивалі өтті.Іс-шараның өтуіне аталған оқу орнының ІТ және оқытудың инновациялық технологиялары орталығы, Мониторинг және педагогикалық зерттеулер орталығы және Үштілді білім беруді дамыту бөлімі мұрындық болды.Фестиваль аясында Workshops, шеберлік сыныптары, семинар-тренингтер өтті.